Каракол шаарына курулуучу маданий борбордун эскиздери талкууланды
4345
Ысык-Көл облусунун Каракол шаарында 2000 орундуу маданий борбор курулат. Бул туурасында президенттин облустагы өкүлчүлүгүнөн билдиришет.
Маалым болгондой, маданий борбор курууну облус башчысы Алтынбек Сулайманов демилгелеп чыккан.
Кечээ, 20-июлда борбордун долбоорун иштеп чыгуу боюнча жарыяланган сынакка келип түшкөн эскиздер талкууланды.
Маданий борбор Каракол шаарындагы Карасаев көчөсүнө курулуп, 4 гектар аянтты ээлейт. Бул жер бир гана концерттик же спорттук иш-чараларды өткөрүүчү зал болбойт, ичинде конференц-залдар, китепкана, кофейня, балдар аянтчасы жана башка жайлар жайгашып, жылдын төрт мезгилинде конокторду кабыл алууга ылайыкталып салынат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://xn--www-jed.kaktus.media/7598
